طلبتك يالله تصبر قلبي المجروح
طلبتك يالله الواحد تصبر قلبي المجروح .. طلبتك ترحم دموعي وتبعد حزني وآهاتي
أنا ادري انه على بابك اكيد أن الرجاء مسموح .. وقفت بخشيتي وذلي لجل تمحي لي زلآتي
أنا بي هم ذابحني وقلبي بالألم مفضوح .. رجيتك تنتزع همي تزيحه من وسط ذاتي
انا من جور مافيني مليت أرضي دموع ونوح .. لو أن الصخر يسمعني بكى من كثر وناتي
احس ان العنا أصبح على بابي يجي ويروح .. مشاوير الحزن والهم بها طالت مسافاتي
تعبت أمشي وسط دنيا بها الخافق غدا مذبوح .. تعبت اظهر فرح زايف وأنا تخنقني عبراتي
ياربي هو كذا عمري قضيته في لعب ومزوح .. قضيته دون ماأدري غريقه في ملذاتي
ياربي قبل ماأرحل وتنزع من حشاي الروح .. ابي تغفر لي ذنوبي تجاوز عن خطيّاتي
وأبي لامن غدا جسمي وسط ذاك الثرى مطروح .. تونس وحدتي وضيقي تيسر لي حساباتي
على قبري أبي الرحمه ترفرف تعتلي وتلوح .. وأبي لامن قضى عمري يطيب بصافي نياتي
وأبي من بين طيات الكفن ريح الفضيله يفوح .. أبي دمع الندم فيني يطفي حّر جمراتي
وداخل جنتك يارب تعلّي لي قمم وصروح .. وتجعل زين أفعالي تنير سطور صفحاتي
أنا جيتك وأنا لغيرك بذنبي مانويت آبوح .. أبي أنوار غفرانك دليلي في متاهاتي
رد مع اقتباس
المفضلات