[grade="000000 808080 000000 deb887 000000"]حبيبي لاتكبرها ترى الضيقـه تجـي وتـروح
واناطالـبـك تكـفـى ياحبيـبـي لاتكبـرهـا
ترى الدعوى بسيطه لاتزوّد فالجـروح جـروح
وانا أكتب قصيـده بالمحبـه وأنـت شاعرهـا
أنا لولاك ماشيدت لي وسط القصيـد اصـروح
تراك أجمل قصيده حـب أكسرهـا وأجبرهـا
تراك أنت الوحيد اللي سكن وسط الجسد والروح
وتراك أحـلا عبـاره دايـم أكتبهـا وأعبرهـا
تراك أنت البدر لامن طلع زاد الوضوح وضوح
تراك أحلام توقضني ولا ادري كيـف افسرهـا
عطيتك من عروق القلب شيكٍ بالغـلا مفتـوح
وعطيتك كل كلمه من صميم القلـب مظهرهـا
وتخطي ثم تخطي بس أقول بخاطري مسمـوح
أنا وشلون أطالـع غلطتـك ياكيـف أناظرهـا
غيابك طال لين اصبح خبرنا بالعشق مفضـوح
وكلٍ عـارف القصـه مـن اولهـا لياخرهـا
وطعونك خلت عروق المحبه دمهـا مسفـوح
تعال وأبشر طعونك تـرى فـازت خناجرهـا
ترى مقدر على صدك ومهما تروح أنا بـاروح
اليـن القـاك واجـدد محبتـنـا واطـورهـا
وكلمه من ضميري قلتها لك تشفـي المجـروح
لجل عينك باكررهـا ولجـل حبـك باكررهـا
نصيحه: نترك الماضي ترى الضيقه تجي وتروح
وترى الدعـوى بسيطـه ياحبيبـي لاتكبرهـا[/grade]
رد مع اقتباس
سلم قلمك اخي
المفضلات