عرف الطوارئ؟؟؟؟

[فجر جديد]

صباح الخير للجميع
تسمحولي احكي عن هالموضوع الي يمكن بعضكم يشوفه انه مو مهم
انا بعرف انه الطوارئ يعني للحالات الطارئة للحالات الي بكون المريض بامس الحاجة للمساعدة او للاشخاص الي بعانوا من امراض مزمنة وبحاجة باي وقت للمتابعة
مثلا : بالامس ذهبت للطوارئ بالليل يا جماعة والدنيا تجمد ( طبعا الله يسلمكم ما تخافوا علي ) واثقه من حالي
المشكلة انه كل واحد جاي وجايب قبيلته معه ؟؟؟؟؟؟؟؟؟؟ يعني المستشفى متنزه
كمان كلهم جايين مرشح مفلوز ( يا عمري انا )
وطبعا شعبنا لا يحترم النظام يعني الكل متجمع عند العيادة يعني عاساس الي بوقف بالاول بفوت اسرع
وكل كوم والحجي الي شوفته كوم
ماشاء الله عليه صحته كويسة قال ليش جاي ( جفنه نافخ شوي صغيرة مش مبين وعينه في نقطة دم ) اما الدكتور حسيته بده يلطم طبعا حكاله كل الناس بصير معها هيك قال بله يا دكتور
بس حبيت اطمن على حالي !!!!!!!!

وانتظر تعليقكم

[محمد الدراوشه]

سبحان الله في نوع من البشر لايفرق بين الطوارئ والعياده
حتى لو وضعتي لوحه طولها كيلو متر وعرضها 10 كيلوا متر
بتلاقي بعض البشر بغض النظر كأنو من المحرمات اللي حرمها ربنا على البني ادم
وفي ناس بتحترم حرمه المستشفى وفي هيك وفي هيك

وفي ايضا نوعيه من المستشفيات بتحسي انك داخله فنادق عشرطاش نجمه
بتدفعي (( بحطوكي بغرفه على البحر مع عشرين ممرضه وخمسين دكتور ومجرد قلت
او عطست تبدأ التحاليل اللي مابتخلص ولاتستوجب ان يعملها بس هو هيك
موسم الحصاد ))
بالنهايه نلجأ الى مسألة الضمير بين المريض والدكتور والمستشفى

ولانقول غير ربنا يشافي كل مريض ويبعد شر المرض عن المسلمين
طرح واقعي ورائع لكن
بدي اعمل حالي مش شايف واروح اشرب فنجان مضاد حيوي
مع طبخة ملوخيه وأقول الله يهدي البشر والناس لأنو في فرق بين البشر
وفي فرق بين الناس
ودمتم بحفظ المولى

[فجر جديد]

شكرا على مشاركتك
والله الواحد بشوف نماذج من البشر اللهم عافينا
وصحتين على الملوخية !!!!!
الله يهدي الجميع

[الاسطورة]

اختي هناك بعض الامور البسيطة تكون برايك بس تكون بداية الشراره مثلا ابن عمي راح طاحونته توجعه وجع بسيط والدكتور استهان بهالشئ وللاسف طلع معه سرطان ومن خلال النزيف الي صار معه بطاحونته لما خلعها توفى
يعني حتى الانتفاخ بالجفن هو برايك بسيط بس ممكن يكون وراه بلاوي

يعني الدكتور ما بشتغل لله والوطن هو مأجور والدليل انه نضرتهم مادية اعتصامهم مره عشان زياده الراتب انا بقول اي حد لو عنده جرح يراجع الطواري لا يستهان بشئ

تحياتي

اختكم بالله

[فجر جديد]

وانا بحكي لا تعظمن امرا ياتيك اعظم منه
هذا رأيك وانا بحترمه

[سمير محمود ابوزيد]

رحمة الله على جميع موتى المسلمين

أختي فجر جديد ... وكأني أرى ما طرحته ها هنا قسم الطوارئ في مستشفى فيصل ... يفترشون الساحات

الخارجية وكأنه متنزه للجميع ... نعم ... يحتاج الانسان الى مراجعة اقسام الطوارئ وذلك للضرورة وفي حالات

الالم الشديد الذي لا ينتظر حتى صباح اليوم التالي ... كثيراً ما تكون مراجعات القسم لمجرد الهرب من الانتظار

بالعيادة الاخصائية الخارجية للمستشفى ... وما تناولته أختي الاسطورة صحيح ولكن .... هذا في العيادات

الخارجية ... لزاماً على الطبيب ان يعالج المرضى ولا يلتفت الى اجراء يمتنع من خلاله عن معاينة المرضى

بسبب المطالبة بالامور المادية الخاصة به ... وما حدث في مستشفى الزرقاء الحكومي حول هذا الموضوع

ايضاً صحيح أختي الاسطورة ... وانا معك في ذلك .

أذاً في النهاية ... يجب علينا ان نحترم هذا القسم بأحترامنا لما يمثله من معالجة الحالات الطارئة فقط

والابتعاد عن مراجعته في حالات نستغله لمعالجة أمور اقل درجة من الطارئة .

نتمنى الشفاء لجميع المرضى وتبقى الصحة والعافية تاج على روؤس الناس والعباد .

تحياتي اختي ... وللجميع