[size="5"][*][center][size="5"][color="darkred"]
ملوك الارض مخزميـــن المعادين
يوم انها بالسيف والعنجهيـــــــــه
في جرهد قرشاع مثل الشلافين
وبالجو ضلع وبالمبـــــاطح شغيه
جوها على ظهور الصفر والبعارين
اللي عليهم تاقف الوايليــــــــــه
هامات نجد من اول الوقت والحين
حنا لهم وان ثارت الطايفيــــــــه
ضرب الفشق بمدبلات المخــازين
وحبس الضعن والهوش دون البنيه
لياشيطنوا حنا صعوط الشياطيـن
قد قالهــــــا اللي مايخلي خويه
تاريخنا ماهو بقبل اربـــــع سنين
بالديجيتال وافلامه المصنــــعيه
ذي قار يوم ان العرب مستميتين
ونقظ الجعود وصيحة التغلبيـــه
حنا على راس اللقا بالنقيضيـــن
بدروعنا وسيوفنا الصيــــــرميه
تشهد لنا الخندق ومؤته وحطين
وتشهد لنا اليرموك والقادسيه
وفتح الرياض وماذكرنا من شوين
مع درب هيت وفيضة العاذريه
وتوحيدها في عام واحد وخمسين
من اليمن للدوله الهاشمــــيه
وفزعاتنا مــــــن اول الوقت وايلين
دقمة خشم صــدام بالكاظميه
نرقص على دوي المدافع بالاثنين
والكاولي ترقص له الكــــاوليه
والملك للي يخدمون الحــــــرمين
عقب الامام اهل الخشوم العصيه
ملاذنا لياجا شريد النهــــــــــارين
اللي عجاجه يدفن الفيصليــــــه
عطوا لين اغرقوا واسع العيـــــن
اللي نكر وقفاتنا الاوليــــــــــــه
رد مع اقتباس
المشاركة الأصلية كتبت بواسطة رعد2
المفضلات