وين انت ياللي كل ما قلت وين انت ***حتى السؤال يقول وين الاجابه
عامين ضايق وأنت لليوم مابنت***وهي حالتي مابين الحزن والكآبه
ليش انت بعيون المخاليق ماشنت***في عين من حبك سرابه...سرابه
لولآ الغلا يا صاحبي ماتمكنت***صداً من الهجران صاير خرابه
عود علي انا اترياك لاهنت***الحال واحد والظروف اتشابه
اذا سألت تحبني قلت لي كنت***وانا ابتسم من باب حب الدعابه
وان خنتني اعلم ترى مابعد خنت***ألا معك لكن خونت ذرابه
خنتك مع طيفك بعد ماتيقنت***انك على بعد الثرى والسحابه
أكبر خطأ محبتك وانت ما صنت***حباً يخلده المشيب لشبابه
تدري اش يغيض الرجل في هوى البنت***انه يعيش في واقع ما درابه
لكننا وش انا وش انت***هذا السؤال اللي يبيله اجابه
رد مع اقتباس
المفضلات