الخاين
صورة مؤلمة محكية من واقعنا المر
بقلم الداعي بالخير : صالح صلاح شبانة
ممنوع وضع اميلات اخي
وجهه عربي وقلبه افرنجي ، من جوه ظالم ، ومن برّهَ برنجي
خاين لآهله ومش امفرجي ، فكره الدنيا دكه ولباس
لسانه ملس ، وقلبه نجس ، مجرد من الكرامه ، وخالي حِس
حرامي أسرق من نمس ، كذاب مرائي بخدع الناس
شغله يحكي و عَ الناس ينظَّر ، ولمّا يحمى ينافخ ويخنفر
وفجأه .. عَدّاده يصَفَّر ، من حَمّ الوطنيه وحماوة الحماس
خدّاع وأخدع من ثعلب ، عَ الجهين مثل العدس بتقلّب
وما بتدري لمّا يتحبب ، هو طربوش ولاَّ مداس
ثوبه عربي أصلي بفيح ، بريحة الزعتر والبابونج والشيح
ولسانه بنطق الضاد مليح ، مخرِّب ومفسد وخبّأص
داء خفي بجسد الأمه ، ريحته أنتن من الرِّمَه
لا عنده رجوله ولا هِمَّه ، إيفت بعضد الأمه والباس
إبن العلقمي وأبو رغال ، ومن مثلهم ألوان وأشكال
صاروا إلنا مضرب أمثال ، يربض جوّاهم إبليس الوسواس
تقرأ بلهجة أهل سنجل
رد مع اقتباس
المفضلات