جتني علومٍ تذبــح الصدر بجـروحٍ ســايله
يا علهَّا ذيـك العلوم الجــابها بالمقبــره
علمٍ لفاني يا علـي سـد النفس من قايله
هاجت مخابي النكد والروح كنها بمدبره
صرت الجريح اللي عظامه بعد وقفه مايله
علمٍ ذبحني يا علي من واحدٍ ما احقره
كسَّر مجاذيف العمر .....صارت حياتي آيله
ناديت يا رب السما ...ليه الحيــاة معثَّره
ليله مضت كنها الدهر همَّ العنايا حامله
البيت والنسوه تصيح بكلِّ غرفه مجعره
يا علي وين العقل وين المماشي الكامله
ما حسبت انك تصير بكل قعده مسخره؟
هذه الحياه دنيـا ودين.... الدنيا فيـها آفـله
والمعاصي اللي تجيها في كتابك منشره
درب الردى ما تنفع اللي صار بيته عائله
امك وبنتك والعنايا وسمعتك عالمسطره
رب العبـاد اللــي سترنا من امــور طابله
لولا الكريم اللي سترنا ولا صرنا منظره
ارجـع لدينـك يا علـي صلي وربك سائله
ارفع ايدينك للسما وادعوه ذنبك يغفره
رد مع اقتباس
المفضلات